திங்கள், 16 அக்டோபர், 2017


தீபாவளி நல் வாழ்த்துக்கள் 


அன்பு தந்தையார் ராஜகோபால் மீனாட்சி,ஊடக துறை நண்பர்கள்,டத்தோ டாத்தின், அன்பு உடன் பிறப்புகள்,சகோதர சகோதரிகள் நண்பர்கள் அனைவருக்கும் எங்கள் குடும்பத்தின் மங்கள பொங்கும் இனிய தீபாவளி வாழ்த்துக்களை தெரிவித்துக் கொள்வதில் மகிழ்ச்சி அடைகிறேன்.மலேசிய நண்பன் சார்பிலும் எனது தீபாவளி வாழ்த்துக்களை பதிவு செய்ய விரும்புகிறேன்.இந்த நன்னாளில் அனைவரும் மகிழ்ச்சியாகவும் அணைத்து நலன்களை பெற்று பல்லாண்டு காலம் வாழ வாழ்த்தி வணங்குகிறேன் 

அன்புடன் 

ஆர்.ரமணி மாலா @தசரதன் குடும்பத்தினர் 
பினாங்கு 

திங்கள், 25 செப்டம்பர், 2017

மருத்துவர் ஜெய  ஸ்ரீ சீனிவாசன் இல்ல நவராத்திரி விழா  கொண்டாட்டம்

ஜார்ஜ்டவுன்

செப் 27.09.2017

ஆர்.தசரதன்


பினாங்கு பந்தாய்  தனியார் மருத்துவமனையின் புற்று நோய் பிரிவு  மருத்துவர் நிபுணர்   ஜெய ஸ்ரீ   சீனியவாசன்  அவர்களின் இல்லத்தில் நடந்த நவராத்திரியை விழாவில் திறளானோர் கலந்து கொண்டனர்.அண்டை அயலார் சுற்றத்தார் வழங்கிய கலை நயம் கொண்ட சிற்பங்கள்  கொலுவில் வைக்கப்பட்ட நிலையில் நவராத்திரி விழாவில் கலந்துக் கொண்ட வருகையாளர்களை வெகுவாக கவர்ந்தது. ஜாலான் ஜெலுத்தோங்கில்  அமைந்துள்ள மருத்துவர் ஜெய ஸ்ரீ அவர்களின்  இல்லத்தில் இந்த நவராத்திரி கொண்டாட்ட நிகழ்வில் சிறப்பு அங்கமாக முருகனின் ஆறு படை வீடுகளின் தனித்துவத்தை விளக்கும்  சிற்ப அலங்கரங்கள்   அணிவகுத்து  நின்ற காட்சி காண்போரை கவர்ந்தது.

வருடம் தோறும் ஒரு குறிப்பிட்ட   கடவுளின் வரலாற்றை விளக்கும் வகையில் கலை  நய சிற்பங்களை அழகுற அலங்கரம் செய்து வரும் மருத்துவர் ஜெய ஸ்ரீ சீனிவாசன் குடும்பத்தினர்,அழைக்கப்பட்ட வருகையாளர்களுக்கு  நவராத்திரி விழா வழிபாட்டில் கலந்துக் கொண்டு பிராத்தனையில் ஈடுபடுத்துவதுடன், பல்வேறான அரு  சுவை உணவுகளை வழங்கி வருகையாளர்களின் நன்மதிப்பை பெற்று திகழ்கிறார்.

நவராத்திரி விழாவில் கலந்து கொள்பவர்களுக்கு தேங்காய் ,பழம்,பாக்கு வெற்றிலை  போன்ற  மங்களகரமான பொருட்களை  இன்முகத்துடன் கொடுத்து வருகை மேற்கொண்டவர்களை மனதை நிறைவு செய்து ஒவ்வொருவரையும் வழி  அனுப்பி வைக்கும் முறையானது   அவரின் உயரிய குண நலன்களை பறை சாற்றுகிறது என்பது குறிப்பிடதக்கது.

பினாங்கை  பொது பஜனை குழுவை சேர்த்த  ராமா என்பவற்றின் இன்னிசை திருமுறை பாடல்கள்   பாடி  நவராத்திரி விழா நிறைவடைந்தது.இந்த நவராத்திரி சிறப்பு நிகழ்வில் ஸ்ரீ  டெலிமா சட்டமன்ற உறுப்பினர்  நேதாஜி இராயர் உள்ளிட்ட அழைக்கப்பட்ட சிறப்பு பிரமுகர்கள்   கலந்துக் கொண்டு  சிறப்பித்தனர்.


பட விளக்கம்

நவராத்திரி விழாவில் கலை நயம் கொண்ட சிற்பங்கங்கள் கொலுவில் வைக்கப்பட்டுள்ள  காட்சி

நவராத்திரி விழாவில் கலந்துக் கொண்டவர்களின் ஒரு பகுதியினர்.

மருத்துவர் ஜெய ஸ்ரீ சீனிவாசன் மற்றும் சிறப்பு பிரமுகர் நேதாஜி இராயர் அவர்கள் 




செவ்வாய், 19 செப்டம்பர், 2017

பினாங்கு மாநில முத்தமிழ் சங்கம் சேவையாளர்களுக்கு கௌரவிப்பு 

செபராங் ஜெயா 

செப்   21.09.2017

ஆர்.தசரதன் 

பினாங்கு மாநில முத்தமிழ் சங்க ஏற்பாட்டில் அண்மையில் இங்குள்ள செபராங் ஜெயாவின் உள்ள ஜெயா கேட்டரிங் உணவகத்தில் நடந்த விருந்தோம்பல் நிகழ்வில்,பினாங்கு ஆளுநர் அவர்களின் பிறந்த நாளை முன்னிட்டு பட்டம் பெற்ற சங்கத்தின் சேவையாளர்களுக்கு சிறப்பு  செய்யும் நிகழ்வு சிறப்புடன் நடைப்பெற்றது.

இந்நிகழ்வுக்கு மாநில முத்தமிழ் சங்கதின் தலைவர் முத்தமிழ் மணி க.உ.இளங்கோவன்  அவர்களின் தலைமையில் நடந்தது.இந்நிகழ்வில் உரையாற்றிய க.உ.இளங்கோவன் அவர்கள் சேவையாளர்களின் சேவையை  என்றும் அங்கிகரித்த அவர்களுக்கு பாராட்டு தெரிவிப்பதன் வழி அவர்களின் சேவைகளை சமுதாயதுக்கு மேலும்  வழங்க ஊக்கம் அளிக்கும் என்றும் தெரிவித்தார்.

இந்நிகவுக்கு சமூக சேவையாளர் டத்தோ மேஜர் நவநீதம் அவர்கள் ஆதரவு வழங்கி உரை யாற்றினார்.அவரின் உரையில் சேவையாளர்களை பாராட்டுவது அவர்கள் சமூக சேவையில் பல காலமாக செய்த சேவைகளுக்கு பாராட்டு ஒரு அங்கிகாரமாக அமையும் என்றும் அவர் நம்பிக்கை தெரிவித்தார்.

இந்நிகழ்வில் சிறப்பு பிரமுகர்களாக தஞ்சோங் தமிழ் முஸ்லீம் சங்க தலைவர் நசீர் முகைதீன்,பினாங்கு மாநில இந்திய மேம்பாட்டுக் கழக தலைவர் எம்.பாலன்,புக்கிட் மெர்தாஜாம் தமிழ் இளைஞர் மணிமன்ற காப்பாளர் சேகர் ராமையா,சுங்கை புயூ மகா மாரியம்மன் ஆலய தலைவர் பெரியவர் முத்தையா மற்றும் அழைக்கப்பட்ட பிரமுகர்கள் பலரும் கலந்து சிறப்பைத்தனர்.

இதனிடையே சபினாங்கு மாநில முத்தமிழ் சங்கத்தின் சார்பில் எஸ்.இராமச்சந்திரன்,எம்.பழனியாண்டி,நா.வேணுகோபால் எம்.பூங்கொடியாள் இளங்கோவன்,இந்திய மேம்பாட்டு கழகத்தின் திருமதி தேவி,மற்றும் மலேசிய நண்பன் பத்திரிக்கை நிருபர்  ஆர்.தசரதன் மற்றும் தமிழ் மலர்  செய்தியாளர்  டி.ஆர்.ராஜா ஆகியோர் சிறப்பு செய்யப்பட்ட சேவையாளர்கள்  என்பது குறிப்பிடதக்கது.

 பட விளக்கம் 


சிறப்பு செய்யப்பட்ட சேவையாளர்களுடன் ஏற்பாட்டுக் குழுவினர் உடன் க.உ.இளங்கோவன் மற்றும் டத்தோ நவநீதம் 






திங்கள், 14 ஆகஸ்ட், 2017

ஆ.மோகனிஸ்வரன் எலெக்ட்ரிக்கள் துறையில் டிப்ளமோ பெற்றார் 


புக்கிட் மெர்தாஜம் 

ஆக.  : 16.08.2017

ஆர்.தசரதன் 

புக்கிட் மெர்தாஜம் மத்திய மாவட்டம் புக்கிட் தெங்காவை  சேர்ந்த மோகனிஸ்வரன் த/பெ ஆறுமுகம் எலெக்ட்ரிக்கள் ஏர்கோர்ன் துறையில் டிப்லோமா  பெற்றார்.புக்கிட் மெர்தாஜமில் அமைந்துள்ள இளைஞர் விளையாட்டு அமைச்சின் தொழில் நுட்ப கல்லூரியில் அவர் அப்பட்ட படிப்பை முடித்தார்.அண்மையில் புத்ராஜெயாவில் உள்ள பிஐசிசி மாநாட்டு மண்டபத்தில்  நடந்த பட்டமளிப்பு விழாவில் அவருக்கு எலெக்ட்ரிக்கள் மற்றும் ஏர்கோர்ன் துறைக்காண  டிப்ளோமா பட்டம் வழங்கி கௌரவிக்கப்பட்டது.தமது வெற்றிக்கு அர்ப்பணிப்பை தந்த தமது தாயார் பத்மா ரத்னம் அவர்களுக்கும்,தமது கல்லூரி ஆசிரியர்களுக்கும் அவர் தமது நன்றியை தெரிவித்துக் கொள்வதாக அவர் மலேசிய நண்பனிடம் கூறினார்.

பட விளக்கம் 

மோகனிஸ்வரன் த/பெ ஆறுமுகம் 

வியாழன், 10 ஆகஸ்ட், 2017

பினாங்கு தாமரை மன்ற ஏற்பாட்டில் இந்திய புது மண தம்பதிகளுக்கு பயிற்சி முகாம் 

குடும்ப உறவுகளின் பலம்  சமூகத்தின் மேன்மை ..சார்ஜன் முருகையா 



ஜார்ஜ்டவுன் 

ஆக.   12.08.2017

ஆர்.தசரதன் 




பினாங்கு மாநிலத்தில்  நற்சேவைகளை  ஆற்றிவரும் தாமரை மன்றத்தின் ஏற்பாட்டில் இந்திய தம்பதிகளுக்கு குடும்ப நல பயிற்சி முகாம் நிகழ்வு அண்மையில் சிறப்புடன் நடைபெற்றது.

இந்நிகழ்வு மன்ற தலைவர் திருமதி பாக்கியலெட்சுமி  அவர்கள் தலைமையற்றார்.பினாங்கு மாநில குடும்ப,சமூக  நல்வாழ்வு அமைச்சின்   இணை ஆதரவில் நடத்தப்பட்ட இந்நிகழ்வு இங்குள்ள சென்ட்ரல் தங்கும் விடுதியில் சிறப்புடன் நடைபெற்றது.

இந்நிகழ்வில் மத்திய  செபராங் பிறை காவல் துறையை சேந்த  சார்ஜன் முருகையா சிறப்பு பிரமுகரான கலந்துக்  கொண்டு சிறப்பித்தார்.

அவரின் தலைமையுரையில் குடும்ப உறவுகளிடையே அணுக்கமான உறவு இருப்பது அவசியம் என்றும்,இதனால் சமூகத்தில் ஏற்பட்டுள்ள குண்டர் கும்பல் கலாச்சாரம் விட்டொழிக்க முடியும் என்றும்,குடும்ப செழிப்புக்கு கல்வி மற்றும் தன்னிலையை உயர்திக் கொள்ள மேலும் பயிற்சிகளில் கலந்துக்க கொள்வது அவசியம் என்றும் அவர் கூறினார்.மேலும் அவரின் உரையில் குடும்ப உறவுகளின் பலம்  சமூகத்தின் மேன்மை பெறுவது திண்ணம் என்றும் அவர் நம்பிக்கை தெரிவித்தார்.


இந்நிகழ்வில் 30 இந்திய புது மண தம்பதிகள் கலந்துக் கொண்டனர்.புதியதாக திருமணமான இந்திய  தம்பதிகளுக்கு வாழ்வில் எதிர் நோக்கும் சவால்கள் அதனை கடக்கும் வழிமுறைகள் மற்றும் சீராக  குடும்பத்தில் ஒருவருக்கு ஒருவர் விட்டு கொடுத்து வாழவும் வழி  முறைகள் ஆகியவை பயிற்சியாக அனுபவம் நிறைந்த பயிச்சியாளர்களின் மூலமாக நடத்தப்பட்டதாக இந்நிகழ்வின் ஏற்பாட்டுக் குழுவின் தலைவருமான திருமதி பாக்கியலெட்சுமி குறிப்பிட்டார்.

இரண்டாம் ஆண்டாக  இது போன்ற நிகழ்வு நடத்தபட்டதாக கூறிய அவர்,இந்திய  தம்பதிகளிடமிருந்து நல்ல  ஆதரவு கிடைத்ததினால்   இந்நிகழ்வு நடத்தப்பட்டது என்றும் அவர் சொன்னார்.

குடும்பங்கள் சமூகத்தின் ஒரு அங்கமாக இருந்து வருகிறது என்றும் அவை சமுதாய முன்னேற்றத்துக்கு குடும்ப உறுப்பினர்களின் பங்கு அவசியமானது என்பதால்,குடும்பங்களில் ஒன்றிணைந்த  ஒற்றுமை பேனப்படுவதால்  சமூக ஒற்றுமை மேலோங்கி அவை சமூக மாறுதலுக்கு வழி  வகுக்கும் என்ற நோக்கத்துக்காக இந்த  நிகழ்வு நடத்தப்பட்டதாகற்கான  திருமதி பாக்கிலெட்சுமி தமது உரையில் கூறினார்.

 பட விளக்கம் 

குடும்ப நல்வாழ்வு பயிற்சி முகாமில் கலந்துக் கொண்ட இந்திய தம்பதிகளின் ஒரு பகுதி 

சார்ஜன் முருகையா அவர்களுக்கு பாக்கிலெட்சுமி நினைவுசின்னம் வழங்கிய போது 


சனி, 8 ஜூலை, 2017

பினாங்கு மாநில அரசின் நோன்பு பெருநாள் கொண்டாட்டம்.
மாநில ஆளுநர் சிறப்பு வருகை


பெருநாள் நாள் கொண்டாட்டத்தில் ஒன்றிணைந்த ஒற்றுமை பேணுவோம்
லிம் குவான் எங்


பாலிக் பூலாவ்

ஜூலை 09.07.2017


ஆர்.தசரதன்



பினாங்கு மாநில அரசின் நோன்பு பெருநாள் கொண்டாட்டத்துடன் பினாங்கு மாநில ஆளுநரின் 79 ஆண்டு பிறந்த நாள் கொண்டாட்டம் நேற்று சிறப்புடன் நடைப்பெற்றது.

இக்கொண்டாட்டம்இங்கு பாலிக் பூலவில் உள்ள பினாங்கு நகர சபை மண்டபத்தில் நடந்தது.

இந்நிகழ்வில் பினாங்கு மாநில ஆளுநர் துன் டாக்டர் அப்துல் ரஹ்மான் அப்பாஸ்,பினாங்கு மாநில முதல்வர் லிம் குவான் எங்,பினாங்கு துணை முதல்வர் டத்தோ ரஷீத் ஹாஸ்நோன்,சுகாதார துணை அமைச்சர் டத்தோ ஸ்ரீ ஹில்மி யஹாய.மாநில அரசின் செயலாளர்டத்தோ  ஸ்ரீ பாரிசான் டாருஸ்,பெர்மாத்தாங் பாவ் நாடாளுமன்ற உறுப்பினர் டத்தோ ஸ்ரீ.டாக்டர்  வான் அஜிசா வான் இஸ்மாயில்,பினாங்கு மாநில மாநகர் மன்ற தலைவர் டத்தோ மைமூனா முஹமாட் ஷரிப்பினாங்கு மாநில காவல் துறை தலைவர் டத்தோ வீரா சுவா ஜி லாய்  சட்ட மன்ற உறுப்பினர்கள் மற்றும் பல்லின மக்கள் இந்த நோன்பு பெருநாள் திறந்த இல்ல உபசரிப்பில் கலந்து சிறப்பித்தனர்.


பல்வகை உணவுகள் இந்த நோன்பு பெருநாள் உபசரிப்பில் வருகையளித்த மக்களுக்கு வழங்கப்பட்டது.


இந்நிகழ்வில் உரையாற்றிய பினாங்கு மாநில முதல்வர் லிம் குவான் எங் குறிப்பிடுகையில்,கடந்த 9 ஆண்டுக் கால பாக்கத்தான் ராக்யாட் மக்கள் கூட்டணியில் வாயிலாக திறமையான,வெளிப்படையான மற்றும் பொறுப்புடைமைமிக்க மிக்க ஆட்சியை மாநிலத்தில் புரிந்து வருவதை பெருமிதத்துடன் கூறினார்.


இதனிடையே மாநிலதில் உள்ள 1.6 லட்சம்  மக்கள்  ஊழல் தடுப்பினால் பகுத்தளிக்கபட்ட வெ 412.63 இலட்சம் ஈவுத்தொகை கொடுக்கப்பட்டடுள்ளதை  மாநில அரசாங்கதுக்கு பெருமை அளிப்பதையும் அவன் எடுத்துரைத்தார்.


மாநிலத்தில் பெருகியுள்ள வேலை வாய்ப்புகள் மற்றும் நாட்டின் முதல்  பசுமை மாநிலமாககடந்த ஜூன் மதம் தொடக்கம் அறிவிக்கப்பட்டு நடைமுறைப்படுத்தியதையும் அவர் மேலும் குறிப்பிட்டார்.

மாநில அரசின் ஏற்பாட்டில் நடக்கும் நோன்பு பெருநாள் கொண்டாத்தில் கலந்து கொள்ள நேரம் ஒதுக்கிய பினாங்கு மாநில ஆளுநர் துன் டாக்டர் அப்துல் ரஹ்மான் அப்பாஸ் மற்றும் துணைவியார் தோ புவான் மஜிமோர் ஷெரீப் அவர்களுக்கும் அவர் நன்றி தெரிவித்தார்.

நோன்பு பெருநாள் கொண்டதின் மூலமாகபல்லின  மக்களுடன் ஒன்றிணைத்து ஒற்றுமை பேணுவோம் என்ற முழக்கத்துடன் அவர் தமது உரையை நிறைவு செய்தார்.
















பிறையில் மூன்று தொழிற்ச்சாலைகள் தீக்கிரையானது

பிறை

ஜூலை 09.07.2017

ஆர்.தசரதன்


பிறை தாமான பிளாங்கி பகுதியில் உள்ள மூன்று தொழிற்சாலைகள் நேற்று காலை 11.00 மணியளவில் நடந்து தீ விபத்தில் தீக்கிரையானது.

பிளாஸ்டிக் ரக தொழிற்சாலையான அந்த தொழிற்சாலைகளில் ஒன்றில்   தீ ஏற்பட்டதாக பினாங்கு மாநில தீயணைப்பு பாதுகாப்பு துறை பேச்சாளர் கூறினார்.

காலை மணி 11.00 மணியளவில் பெறப்பட்ட தொலை அழைப்பை தொடர்ந்து 35 தீயணைப்பு வீரர்கள் சம்பவம் நடந்த இடத்துக்கு விறைத்து தீயை அணைக்க முற்பட்டதாக மேலும் அவர் சொன்னார்.

20 சதவீத அளவிலான வகையில் தீயினால் அந்த மூன்று தொழிற்சாலைகளும் பாதிப்புக்குஉள்ளதாக கூறிய அவர்,45 மணி போராட்டத்துக்கு பிறகு தீயை முற்றாக அணைத்ததாக அவர் சொன்னார்.

இந்த தீ சம்பவத்தில் எவ்வித உயிர்களும் பாதிக்கப்படவில்லை என்று குறிய அவர் தீ ஏற்பட்டதிற்கான காரணம் மாற்று சேத மதிப்பு விசாரணை மேற்கொள்ளப்பட்டு வருவதாக அவர்  கூறினார்.

கரும் மேக புகைகள் சூழ்ந்த நிலையில்,பினாங்கு தீவு  பகுதியிலிருந்து பல கிலோ  மீட்டர் தூரம் இதை காண முடிந்தது என்பது குறிப்பிடதக்கது.


பட விளக்கம் 

தீயினால் பாதிப்படைந்த தொழிற்சாலைகலலிருந்து ஏற்பட்டது ஏற்பட்ட புகை மூட்டம்